МИКЛОШЕВЦИ – З нагоди Дня женох, у Дружтвеним доме у Миклошевцох всоботу, 7. марца, отримани вечар поезиї на хторим наступели рецитаторе КУД „Яким Гарди” и Дружтва „Руснак” з Петровцох, як и з домашнього КУД „Яким Ґовля”. У програми наступели дванацецеро рецитаторе, котри през стихи вецей руских поетох на тот способ повинчовали швето.
У музичней часци участвовали Ивона Гнатко, дует Боян Кошутич-Ивона Гнатко з Петровцох, дзецински квартет петровского КУД „Яким Гарди”, та Женска шпивацка ґрупа, трио Матей Бурчак, Денис Гарди и Иван Лїкар з Миклошецох.
