НОВИ САД – У францисканским манастире Ивана Капистрана у Новим Садзе, пияток, 1. марца, отримани Шветови молитвови дзень, на хторим участвовали и вирни грекокатолїки, присутних благословел парох новосадски о. Юлиян Рац, а по руски бешедовали Мария Гудак и Блаженка Хома-Цветкович.
Модлєли ше представнїки пейц Церквох на пейцох язикох, а були и зоз Римокатолїцкей Церкви, Словацкей еванґелицкей АВ Церкви, Реформатскей християнскей и Методистичней Церкви. Модлєло ше по сербски, горватски, мадярски, словацки и по руски.
Присутних привитал домашнї священїк францискан о. Карло Хармат, а модератор була Мария Парницки. Мото молитви того року „Придзце, шицко порихтане”, а порихтали ю жени зоз нам блїзкей Словениї.
На концу, шицких благословели священїки присутних Церквох, а после схода було аґапе за присутних.