РУСКИ КЕРЕСТУР – У Месней заєднїци у Руским Керестуре, всоботу 22. фебруара, у предполадньових годзинох отримана порядна акция добродзечного даваня креви на хтору ше одволали вкупно 33-йожителє.
Од вкупно 40 гуманих валалчаньох, вєдно з Руского Керестура и Крущичу, а хтори ше приявели дац крев, на акцию ше одволали 33-йо, з чого були два жени. Пре здравствени причини крев нє могли дац три особи, док тройо першираз дали крев.
За розлику од потерашнїх акцийох, кед у тих двох валалох акциї даваня креви були орґанизовани окреме, надалєй ше их будзе орґанизовац вєдно, у Руским Керестуре.
Орґанизатор акциї Завод за трансфузию креви Войводини у сотруднїцтве зоз Червеним крижом Кула.