ДЮРДЬОВ – У 17. колу Подручней фодбалскей лиґи Нови Сад, хторе одбавене 19. марца, фодбалере ФК „Бачка 1923” зоз Дюрдьова победзели у стретнуцу зоз фодбалерами Омладинца, резултатом 2:1.
Стретнуце нє було барз чежке за домашнїх. Максимално ше закладали за кажду лабду на шицких часцох терена и бавели анґажовано и нападацки. Госци у першим полчаше бавели барз добре, та перши ґол на стретнуцу дали у 23. минути. Домашнїх тот ґол нє деморализовал и вони свой перши ґол на тим стретнуцу дали у 35. минути.
У другим полчаше фодбалере Бачки бавели ище лєпше. Остатнї ґол на стретнуцу, а други за Дюрдьовчанох, посцигнути у 73. минути. Теди уж могло нагаднуц побиднїка того стретнуца, алє ше чекало конєц же би ше Дюрдьовчанє могли радовац своєй першей побиди у ярнєй часци першенства. После того кола Бачка на пиятим месце зоз двацец дзевец бодами. У шлїдуюцим колу дюрдьовских фодбалерох чека стретнуце зоз фодбалерами Футоґу.