ДЮРДЬОВ – У дюрдьовскей церкви Рождества Персвятей Богородици вчера, внєдзелю 8. юния, почало преславйованє церковного швета Русадля.
У церкви служени Служби Божи, а вирни тoгo дня оквецели облаки на своїм доме, по обичаю зоз желєнима конарчками и рижнофарбовим квецом.
По велькей Служби Божей котра була на 10 годзин, о. Михаил Холошняй служел и Вечурню зоз специялнима молитвами до Духа Святого.
На 14 годзин на грекокатолїцким теметове почало пошвецанє надгробнох плочох. Пошвецали домашнї священїк о. Михаил Холошняй и о. Дамян Кича, ЧСВВ, зоз Кули. Вони двоме потим на 16:30 годзин, при Крижу служели заєднцку Панахиду, а потим предлужели пошвецанє.
Нєшка, на други дзень Сошествия Свтого Духа, Служба Божа будзе узвичаєно на 10 годзин, а на 18 годзин Вечурня.
На ютре, на треци дзень Русадля, 25 вирни зоз Дюрдьова одпутую на паломнїцтво до Водици на Завитни дзень.
На стреду, 11. юния на 18 годзин будзе Служба Божа за добру хвилю.
На пияток, 13. юния будзе заупокойна Служба Божа за Амалию Холошняй, дюрдьовску панїматку, а по намиреню єй найблїзших.
