РУСКИ КЕРЕСТУР – У рамикох 63. Фестивала рускей култури „Червена ружа”, нєшка, 29. юния будзе Червене пупче и Одгуки ровнїни.
Предвечаром будзе найпопуларнєйша програма за дзеци Червене пупче, котра почнє на 17:30 годзин, а буду одшпивани 10 нови дзецински шпиванки.
Наймасовнєйша програма Одгуки ровнїни почнє на 20 годзин, и представя ше шицки нашо културни дружтва зоз свою програму.
Вчера, пияток, 28. юния 63. Фестивалу рускей култури „Червена ружа” отимани два програми: Змаганє за найкрасши глас и Змаганє нових композицийох у забавним духу.