И у Индїї преславена Велька ноц

автор В. Вуячич, фото: О. Стецюк
859 Опатрене

ИНДЇЯ – У Парохиї Успения Пресвятей Богородици у Индїї, парох о. Михайло Шанта на Вельки пияток служел Вечурню на 18 годзин, а парохиянє до 2 годзин рано тримали стражу при Исусовим гробе.

Внєдзелю на 7 годзин служена Воскресна утриня, а потим Служба Божа на хторей парох о. Шанта пречитал владикову винчованку.

На дворе коло церкви пошвецене вецей як 50 кошарки зоз пасхалним єдзеньом, хтори принєсли вирни фамелиї з дзецми и їх госци.

После пошвецаня парохиянє на друженю, винчовали себе швето, а то була и нагода же би ше шветочно означело єден 80. и єден 18. родзени дзень.

По обичаю, пондзелок на 10 годзин служена Служба Божа, а после Служби ше вишло на теметови и служело ше панахиди за покойних.

ПОВЯЗАНИ ТЕКСТИ