РУСКИ КЕРЕСТУР – Фодбалски клуб „Русин” внєдзелю, 27. октобра у Руским Керестуре одбавел єденасте першенствене стретнуце ПФЛ Зомбор процив екипи ФК „Славия” зоз Пиньвиц и зазначел побиду у предлуженьох зоз резултатом 2:1.
Русин бавел у составе – Михайло Надь, Стефан Тома, Желько Шомодї (Иван Чапко), Виктор Надь (Деян Будински), Александар Кочиш, Деян Павлович, Оґнєн Маркович, Деян Югик, Матей Саянкович (Велько Шомодї), Илия Йованович и Деян Чернок (Теодор Няради).
Обидва ґоли за екипу Русина дал Деян Югик хтори бул тиж и бавяч стретнуца.
У идуцим 12. колу ПФЛ Зомбор, Русин будзе бавиц на соботу 2. новембра у Челареву процив екипи ФК „ЧСК”, а стретнуце почнє на 13:30 годзин.
