РУСКИ КЕРЕСТУР – Вчера вечар, 2. юлия на 18 годзин керестурски аматере Дома култури Руски Керестур рушели до Леґници у Польскей, зоз котрей ше враца 9. юлия.
Аматере буду участвовац на єдней часци Фестивалу фолклору „Швет под Кичеру“ („Świat pod Kyczerą“), котри тирва од 28. юния до 7. юлия и отримує ше у вецей местох.
До Польскей одпутовала старша фолклорна ґрупа, шпивацка дзивоцка ґрупа, соло шпиваче и народни оркестер „Юлиян Рамач Чамо“. Аматере порихтали програму у тирваню од 40 минути, по пропозицийох Фестивалу.
