РУСКИ КЕРЕСТУР – Традицийни Керестурски котлїк будзе отримани нешка, 30. авґуста на керестурским базену.
Змаганє у вареню рибового паприґашу орґанизує домашнє Здруженє спортских рибарох „Коляк”, а екипи котри ше приявя доставаю очисцену рибу и хлєб, паприґаш варя на бутан и приноша свой прибор за єдзенє.
Шицки информациї мож достац на числа телефона 064/268 37 51 або 060/703 7944.
По програми змаганє почнє зоз пребераньом риби од 14:30 годзин, на 18 предвидзене оценьованє уварених паприґашох, а на 19 годзин преглашенє побиднїкох и придаванє наградох.