КОЦУР – Општинске змаганє школярох висших класох основней школи зоз биолоґиї було отримане 14. марца у Основней школи „Братство єдинство” у Вербаше.
Зоз коцурскей Основней школи „Братство єдинство” друге место завжали Николина Копчански и Лара Ґубаш, школярки пиятей класи, док трецопласовани Николина Колесар и Аня Сакач, школярки шестей класи, а шицки ше буду змагац на наиходзацим окружним змаганю.
На замаганю участвовали ище штверо школяре котрим ше на тот завод нє удало обезпечиц пласман, а то Теодора Ерцеґ, Андєлина Бербер, Рамона Будински и Надя Ґайдош.
Школярох за змаганє пририхтала наставнїца биолоґиї Светлана Мученски.