РУСКИ КЕРЕСТУР – У Руским Керестуре у спортскей гали, всоботу 18. януара бул отримани Кока-Кола куп у малим фодбалу на хторим участвовали 14 екипи, дзеци народзени од 2010. по 2014. рок.
На тим турниру екипа Русина участвовала зоз двома екипами, ФК Русин чарни и ФК Русин били.
За екипу ФК Русин чарни наступели: Марко Драґутинович, Марко Колошняї, Тони Орос, Алекс Цвайґ, Марко Илич, Даниєл Фейди и Давид Колошняї.
Перше стретнуце екипа ФК Русин чарни победзели екипу Кула С зоз резултатом 5:0, док друге стретнуце страцели од екипи Жалґирис Зомбор зоз резултатом 0:1.
Ґоли за екипу Русина дали: Марко Илич дал три ґоли и Тони Орос дал два ґоли.
За екипу ФК Русин били наступели: Давид Колошняї, Даниєл Фейди, Тони Колошняї, Дарко Еделински, Иван Надь, Давид Гарди, Виктор Надь, Кристиян Чонка, Стивен Банич и Кристофер Дудаш.
Перше стретнуце екипа ФК Русин били победзели екипу Кула белави зоз резултатом 1:0, док друге стретнуце страцели од екипи Бока Юниорс Зомбор зоз резултатом 0:4.
Єдини ґол за екипу ФК Русин били дал Кристофер Дудаш.
Екипи хтори ше пласовали до полуфинала, свойо стретнуца одбавя 31. януара у Кули.
Екипа ФК Русин чарни у конєчним пласману завжали 5. место, док екипа ФК Русин били завжала 8. место.
Тренер – Деян Йолич.