РУСКИ КЕРЕСТУР – Внєдзелю, вечар 9. марца у виронаучней сали керестурскей церкви св. о. Миколая, Женска шпивацка ґрупа на концерту Нашому валалу представела часц своєй роботи, на репертоару були шпиванки на руским, сербским и анґлийским язику.
Тот концерт бул и 40. наступ тей шпивацкей ґрупи, хтора иснує од 2022. року. Виронаучна сала з тей нагоди була полна, а публика уживала у рижнородних шпиванкох хтору виведла Женска шпивацка ґрупа у провадзеню Владимира Малацка.
Руководителька тей ґрупи Еуфемия Планкош, сотруднїк Ирина Олеяр.
Женска шпивацка ґрупа хвильково найактивнєйша ґрупа у керестурским Доме култури, хтора активна од 2022. року.
Госци на концерту була ґрупа Ария у хторей шпивала Марина Роман и Дорика Емейди и Хлопска шпивацка ґрупа под руководством Александра Планкоша.
