НОВИ САД – Од нєшка и урядово отворени конкурс за вибор главного/ей редактора/ки новинох „Руске слово”, а по Одлуки о розписованю Явней оглашки за вибор главного/ей редактора/ки новинох „Руске слово” хтору принєсол УО на порядней схадзки 4. авґуста 2025. року.
Явна поволанка за вибор главного/ей редактора/ки новинох „Руске слово” обявена нєшка у 33. чишлє новинох „Руске слово”, як и на сайту Установи, а формулар Вияви мож превжац зоз сайту НВУ „Руске слово“, або директно у Установи..
Главного/у редактора/ку новинох „Руске слово” вибера ше на 4 роки, з можлївосцу же би бул/а ознова вибрани/а. По потреби окончи ше розгварка зоз кандидатами/ками пре утвердзованє знаня руского язика.
Прияву на Явну оглашку подноши ше Управному одбору НВУ „Руске слово” у чаше 15 днї од дня обявйованя тей оглашки.
Прияви ше посила на адресу: Новинско-видавательна установа „Руске слово” Нови Сад Футожска 2/III, з надпомнуцом „За Явну оглашку за главного/у редактора/ку новинох НВУ „Руске слово”.