РУСКИ КЕРЕСТУР – Того року „Костельникова єшеньˮ почнє 15. новембра зоз промоциями нових кнїжкох и стретнуцом зоз писателями у школи „Петро Кузмякˮ на 11:30, 12:15, и 13:10 годзин.
Предлужи ше истого дня у Доме култури на 18 годзин зоз виставу фотоґрафийох иконостасох и промоцию нових кнїжкох и музично-литературним вечаром.
На соботу у Кули, у школи „Петефи бриґадаˮ на 15 годзин почнє Стретнуце рецитаторох „Михайло Зазулякˮ. У Шиду ше истого дня у КПД „Дюра Кишˮ на 17 г отрима промоция нових кнїжкох и стретнуце зоз писателями.
Нєдзелю, 17. новембра зоз промоцию нових кнїжкох и стретнуцом зоз писателями у КУД „Тарас Шевченкоˮ предлужи ше тото културне збуванє.
Пондзелок, 18. новембра на 13:30 у школи „Братство єдинствоˮ будзе промоция нових кнїжкох и стретнуце зоз писателями.
Вовторок, 19. новембра у Дюрдьове на 13:30 годзин у школи „Йован Йованович Змайˮ будзе промоция нових кнїжкох и стретнуце зоз писателями.
Штварток, 21. новембра у Коцуре у Руским доме на 18 г будзе отримана промоция нових кнїжкох и стретнуце зоз писателями.
И конєчно, на соботу, 23. новембра у Руским Керестуре, на 20 г у Младежским доме будзе отримана „Дньовкаˮ.