Кузмяковци коло професийней ориєнтациї

автор М. Афич
237 Опатрене

НОВИ САД – Школяре трецого року ґимназиї ШШ „Петро Кузмяк” з Руского Керестура, з цилом виглєдованя професийней ориєнтациї, нащивели Технолоґийни факултет дзе одслухали интересантне преподаванє на тему „Розвой материялох як часц шветового и националного културного нашлїдства”.

На тим факултету нащивели и лабораторию за материяли. У лабораториї за фармацеутске инжинєрство мали нагоду сами правиц креми, мидла и ґели.

При обиходу кампуса зашли и на Филозофски факултет дзе були упознати зоз напрямами на тим факултету и зоз роботу Конфучийового институту дзе научели и китайски слова. Там их дочекал и др Александер Мудри та их кратко упознал зоз студиями русинистики.

Школяре тиж так мали нагоду видзиц мултимедиялну постановку у музею на Петроварадину, хтора пошвецена Милеви Марич Айнштайн „Я стина”.

На путованє школярох водзели професорки биолоґиї Тереза Катона и руского язика Люпка Малацко.

ПОВЯЗАНИ ТЕКСТИ