Мемориялни турнир за Звонимира Ороса

автор Д. Барна
142 Опатрене

РУСКИ КЕРЕСТУР – У рамикох Фодбаского клуба „Русин”, внєдзелю 30. юния на стадиону Яраш у Руским Керестуре одбавени Мемориялни турнир за Звонимира Ороса.

Звонимир Орос бул длугорочни ґолман екипи ФК „Русин”.

На турниру участвовали три екипи: ФК „Панония” зоз Лалитю, ФК „Борац” зоз Бачкого Ґрачцу и домашнї ФК „Русин” зоз Руского Керестура.

Одбавени три стретнуца, бавел кажде з каждим и зазначени шлїдуюци резултати: у першим стретнуцу бавели ФК „Борац” Бачки Ґрачац и ФК „Панония” Лалить и резултат бул 3:1 за екипу ФК „Борац”, у другим стретнуцу домашнї ФК „Русин” бул лєпши як екипа ФК „Панония” Лалить зоз резултатом 3:1, док у трецим стретнуцу фодбалере зоз Бачкого Ґрачцу були лєпши як Керестурци и славели зоз резултатом 2:0.

Пред початком першого стретнуца була минута цихосци за Звонимира Ороса.

После одбавених стретнуцох, друженє предлужене у просторийох Добродзечного огньогасного дружтва (ДОД), дзе екипом додзелєни подзекованя на участвованю.

ПОВЯЗАНИ ТЕКСТИ