РУСКИ КЕРЕСТУР – У Страсним тижню на Вельку стреду, 1. априла ше закончую Служби Божо Преждеосвящених дарох, Спомин тайней вечери, на штварток 2. априла будзе Служба Божа Василия Велького зоз Вечурню и обрядом умиваня ногох хтору будзе служиц владика кир Георгий Джуджар зоз священїками.
Вельки пияток, строги пост, рано будзе служена Утриня зоз читаньом 12 страсних Евангелийох, Вечурня зоз хованьом Христа и покладаньом плащанїци до гробу на 15 годзин.
На Вельку соботу, 4. априла, до Каритасу од 13 до 14 годзин мож принєсц пасхалне єдзенє, хторе священїки пошвеца, а потим го волонтере однєшу людзом хторим потребна помоц. Рано будзе Єрусалимска утриня, на 20 годзин Пасхалне бдиниє – Всеночне зоз Службу Божу и Воскресну утриню.
На нєдзелю, 5. априла вирни у Руским Керестуре преславюю Воскресенє Христово – Пасху – Вельку ноц, а служби буду на 8 годзин, на 10 годзин будзе Архиєрейска Служба Божа зоз пошвецаньом паскох. Вечарша Служба нє будзе.
На Шветли пондзелок будзе мированє у Службох на 9, 11:30 и 18 годзин, а на 16 годзин у манастире Исусових малих шестрох тиж будзе Служба Божа. На Шветли вовторок Служби Божо на: 9, 11:30 и 18 годзин.