На Яна и швето Еухаристиї, у Индїї пошвецени венчики

190 Опатрене

ИНДЇЯ – У грекокатолїцкей парохиї у Индїї внєдзелю, 7. юния, преславени два швета хтори ше збили на тот датум, а то швето Пресвятей Еухаристиї и швето Родзенє Йоана Хрестителя – Яна, зоз Службу Божу на 9 годзин хтору служел керестурски парох о. Владислав Варґа, а по Служби було и пошвецанє венчикох зоз квеца.

У индїйскей парохиї жию Українци котри ше ту давно приселєли зоз Босни, и вони маю обичай же венчики зоз квеца пошвецаю на швето Пресвятей Еухаристиї, так и Українци у Сримскей Митровици, а як познате, на Яна, нє венчики, алє букети квеца волани желє ше пошвеца у нашей парохиї у Коцуре, но того року ше то збило исти дзень.

У казанї, о. Варґа здогаднул же Исус остал з нами и нєшка присутни у Еухаристиї, и на други способи, а його благослов и защиту вирни одноша дому и прейґ пошвецених венчикох.

На Служби було красне число парохиянох, а парохови Варґови помагал Михайло Русковски з Керестура, котри як родзина дакедишнього, на жаль уж покойного пароха о. Адама Гнатюка и панїматки Еуфемиї , пренєсол єй поздрави вирним.

ПОВЯЗАНИ ТЕКСТИ