НОВИ САД – На Радио програми по руски на нєдзелю, 7. децембра, на 12:30 годзин будзе емисия Културна панорама.
У найновшей емисиї Културна панорама годно послухац звит зоз закончуюцей програми 32. Културней манифестациї Костельникова єшень котра отримана у Дюрдьове.
Медзи иншим, годно послухац и як було на 15. Медзинародним фестивалу гумору и сатири Коцурска чутка и на 35. Дньох Миколи М.Кочиша.
Побешедовало ше и зоз учашнїцами Акредитованого фахового семинару Хорске дириґованє од першей проби по концерт у орґанизациї Союзу уметнїцкей творчосци аматерох Войводини, та призначени їх упечатки.
Редакторка и водителька емисиї: Саня Дивлякович. Емисию Културна панорама ше емитує кажду нєдзелю на 12:30 г и репризно на 23:00 г, а мож ю послухац на УКТ габох радия РТВ на 92, 100 и 107,1 мгг, и на одложеним слуханю на сайту Радио-телевизиї Войводини.