НОВИ САД – На Радио програми по руски на нєдзелю, 14. децембра, на 12:30 годзин будзе емисия Културна панорама, а на 13:30 годзин почнє емисия Вирую.
У найновшей емисиї Културна панорама годно послухац звити зоз вецей програмох и концертох котри отримани по наших местох. Медзи иншим, призначени упечатки зоз концерту з нагоди 80-рочнїци КУД Тарас Шевченко у Дюрдьове, з Рочного концерту КПД Дюра Киш у Шидзе, алє и з 23. Руского фестивалу малих сценских формох Дюра Папгаргаї у Новим Садзе. Ту и прилог зоз 41. схадзки Националного совиту Руснацох. Редакторка и водителька емисиї: Саня Дивлякович.
Вирску емисию Вирую мож послухац на нєдзелю на 13:30 годзин. У найновшей емисиї Вирую о ювилейним Святим року бешедовац будзе парох зоз Петровцох о. Владимир Седлак. Емисию за тоту нєдзелю порихтала часна шестра Авґустина.
Емисию Културна панорама ше емитує кажду нєдзелю на 12:30 г и репризно на 23:00 г, а мож ю послухац на УКТ габох радия РТВ на 92, 100 и 107,1 мгг, и на одложеним слуханю на сайту Радио-телевизиї Войводини.
Емисия Вирую каждей нєдзелї на 13:30 годзин.