19. ДЕЦЕМБЕР – На нєшкайши дзень у Руским Керестуре народзела ше Ана Рац.
1875 – Народзела ше математичарка Милева Марич Айнштайн (Тител, 19. децембер 1875 – Цирих, Швайцарска, 4. авґуст 1948), була перша супруга Алберта Айнштайна.
1897 – Народзел ше писатель Ян Чаяк (Липтовски Ян, Австрийске царство, 19. децембер – Бачки Петровец, 29. май 1944). Бул учитель у Словацкей, одкаль 1893. року пришол до Селенчи, а потим до Бачкого Петровцу.
1915 – Народзела ше шпивачка италиянского походзеня Едит Дьована Ґасион, позната як Едит Пяф (Париз, Французка, 19. децембер 1915 – Пласкасє, Французка, 10. октобер 1963), наволана Мали птащок, символ французкей шансони.
1931 – Народзела ше административна службенїца, радио шпивачка, драмска и музично-сценска аматерка Ана Рац, народзена Медєши (Руски Керестур, 19. децембер 1931 – Руски Керестур, 4. септембер 2018). Основну школу и нїзшу ґимназию зоз малу матуру Ана Рац закончела у Керестуре, а тарґовецку школу у Кули. Робела у предавальнї, а потим як службенїк у рахунководстве у Польопривредним комбинату Перши май у Руским Керестуре, одкаль пошла и до пензиї. Шпивала у хору, и 1949. року шпивала „на живо” у директним преносу шветочносци з нагоди починаня з роботу Радио Нового Саду и од теди коло дзешец роки шпивала у руских музичних емисийох. Кед основани Аматерски руски театер Дядя, вона уж була позната як добра ґлумица. Мала за собу вецей як 20 роки ґлумецкого искуства. През вецей мандати Ана Рац була и член управних целох спомнутого театра по 1991 рок. Ана Рац умарла 4. септембра, похована є 5. септембра 2018. року на теметове у Руским Керестуре.