22. АПРИЛ – На нєшкайши дзень вишло перше число новинох Заря.
1724 – Народзел ше филозоф Имануел Кант (Кениґзберґ, Пруске кральовство, 22. април 1724 – 12. фебруар 1804).
1934 – У Беоґрадзе основане Астрономске дружтво Рудєр Бошкович.
1934 – У Новим Садзе вишло перше число новинох Заря, орґана Културно-просвитного союзу югославянских Русинох. Зоз назву Заря новини виходзели од 22. априла 1934. року по 2. авґуст 1936. року, потим мено пременєне до Русска правда (лєм два числа) и познєйше Руска заря, од 20. септембра 1936. року по април 1941. року.
1974 – Oснована Академия уметносцох Универзитета у Новим Садзе, у єй составе Департман за музични уметносци, Департман за подобово уметносци и Департман за драмски уметносци.
Нєшка Дзень планети Жеми.