22. МАЙ – Нєшка Шветови дзень биодиверзитета.
1813 – Народзени композитор Вилхелм Рихард Ваґнер (Лайпциґ, Кральовство Саксония, 22. май 1813 – Венеция, Кральовина Италия, 13. фебруар 1883), найпознатши опери му Тристан и Изолда (нєм. Tristan und Isolde, 1859),и опус Персцень Нибелунґа (нєм. Der Ring des Nibelungen).
1859 – Народзени анґлийски писатель Артур Конан Дойл (Единбурґ, 22. май 1859 – Минстид, 7. юлий 1930), бул лїкар, а преславел ше як автор детективских романох и приповедкох у хторих главни юнаки видумани детектив Шерлок Голмс и його приятель доктор Вотсон.
1892 – Зубар Вашинґтон Шефилд патентовал пасту за зуби у туби.
1907 – Народзени театрални и филмски ґлумец, режисер и продуцент Сер Лоренс Кер Оливиє, Барон Оливиє (Доркинґ, Зєдинєне Кральовство, 22. май 1907 – Стенинґ, 11. юлий 1989), єден з найвекших толковачох особох зоз творох Вилияма Шекспира, перши ґлумец котри за живота достал племицку титулу. Добитнїк є найвекшого числа наградох Еми за телевизийну творчосц, наградзовани є на фестивалу у Кану, а достал Оскара за филм Гамлет.
1990 – Майкрософт обявел оперативну систему Виндовс 3.0.
Нєшка Медзинародни дзень биолоґийней розличносци, лєбо Шветови дзень биодиверзитета. Конвенция о биодиверзитету усвоєна 1992. року у Рио де Женеиру на Самиту о защити животного стредку. У децембре 2000. року тот дзень усвоєла Ґенерална скупштина Зєдинєних нацийох.