23. ЮЛИЙ – На нєшайши дзень забранєне ловиц кити.
1828 – Вилиєм Барт зоз Мичиґену у ЗАД, патентовал типоґрафер, цо ше трима же була перша писаца машинка.
1914 – Австроугорска послала ултиматум Сербиї же би запровадзела вишлїдзованє пре атентат на пристолонашлїднїка Франца Фердинанда. Сербия нє прилапела вимаганє, та Австроугорска 28. юлия обявела войну Сербиї.
1952 – У Паризу основана Европска заєднїца за углє и челїк, зоз хторей настала Европска уния.
1982 – Медзинародна комисия за лов на кити принєсла одлуку о подполней забрани комерциялного лову на нїх. Забрана ступела на моц 1985. року.
2021 – НВУ Руске слово и Завод за културу войводянских Руснацох видали сликовнїцу Карусел зоз налїпками за дзеци од 2 до 5 роки. Слово о трох приповедкох о одрастаню авторкох Ксениї Варґа, Ани Варґа и Агнети Бучко Папгаргаї, хтору илустровала Аня Гудак. Шицок тираж сликовнїци з налїпками Карусел розпредати у децембре истого року. У децембре 2021. року видате и диґиталне аудио-визуалне виданє: илустрациї и анимация Аня Гудак, дизайн звуку Йован Живкович, текст читала Адриана Надь, специялна госцинска и музику на текст Крокодил компоновала и одшпивала Марина Роман, технїчна потримовка Сашо Палєнкаш. Редакторка виданя Анамария Ранкович, а финални продуцент проєкта Борис Варґа. Анимацию мож опатриц на Ютюб каналу Ruske slovo za dzeci.