28. АВҐУСТ – На нєшкайши дзень народзел ше писатель Йохан Волфґанґ Ґете.
1749 – Народзел ше писатель Йохан Волфґанґ Ґете (Франкфурт, 28. авґуст 1749 – Ваймар, Нємецка, 22. марец 1832), бул политичар, поета, науковец, филозоф. Автор є драмского шпива Фауст и Теория фарбох хтори мали уплїв на велї музичних и драмских фалатох.
1833 – Парламент забранєл рабство у цалей британскей империї.
1877 – Народзел ше продукователь автомобилох и пилот, Чарлс Стюарт Ролс (Лондон, 27. авґуст 1877 – Борнмут, Анґлия, 12. юлий 1910), хтори зоз Фредериком Ройсом 1906. року основал компанию за продукцию автомобилох Ролс-Ройс.
1903 – У Беоґрадзе отримана сновательна скупштина Кола сербских шестрох (Коло српских сестара) сербского женского национално-феминистичного, културно-просвитного, патриотского и гуманитарного дружтва.
1910 – На шветочней Скупштини на Цетиню князовство Чарна Гора преглашене за кральовину, а княз Никола I Петрович за краля.
2003 – Формовани Грекокатолїцки апостолски еґзархат у Сербиї и Чарней Гори (лат. Exarchia Apostolica pro fidelibus ritus byzantini in Serbia et Monte Nigro). Еґзархат затримал вязу зоз Крижевским владичеством. За першого грекокатолїцкого еґзарха у Сербиї и Чарней Гори поставени владика Георгий Джуджар.