ДЮРДЬОВ – Позарядово парламентарни виберанки у Дюрдьове на шицких виберацких местох и далєй тирваю без проблемох.
По 18 годзин на гласацким месце число 5 од 909 приявених гласачох гласал 579 особи, односно 63,7 одсто. На виберацким месце число 6 од 674 приявених гласачох, по 18 годзин гласали 426 особи, односно 63,20 одсто. На виберацким месце число 7 од 872 приявених гласачох по 18 годзин гласали 550 особи, односно 63,07 одсто. На виберацким месце число 8 од 743 приявених гласачох, по 18 годзин гласали 505 особи, односно 67,56 одсто. На виберацким месце число 9 од 906 приявених гласачох, по 18 годзин гласали 599 особи, односно 66,11 одсто.
Од 7 по 11 годзин гласало 1.415 особи, а од 11 по 14 годзин ище 508 особи, а од 14 по 18 годзин 736 особи, цо вукупно 2.659 особи односно 64,8 одсто гласачох од 4.104 кельо их ма право гласац.
На уровню цалей општини Жаблеь, спрам информацийох Општинскей виберанковей комисиї, по 18 годзин зазначена виходносц од 64 одсто, од 20 тисячи и 943 особи кельо их ма право гласац.
Инциденти нє було анї по 18 годзин, як анї векши затримованя.
Гласац мож по 20 годзин, зоз собу треба вжац особну карточку або пасош. У Дюрдьове ше и того року гласа у штирох учальньох у Основней школи „Йован Йованович Змай”.
