Нови еґзит

автор И. Чордаш
407 Опатрене

НОВИ САД – Новембер и децембер мешаци у хторих ше любителє музики и фестивалскей атмосфери уж починаю рихтац за Еґзит фестивал.

Орґанизаторе ше уж штредком новембра потрудзели же би публика могла купиц свойо карти по промотивних ценох.

Фестивал, як и звичайно, будзе отримани на Петроварадинскей твердинї у Новим Садзе од 6. по 9. юлий 2023. року. Карти мож купиц на шицких Ґикстикс предайних местох, затераз тиж по промо цени од 6.990 динари за шицки штири фестивалски днї.

Тогорочни Еґзит ноши назву Универзум и уж тераз познати даєдни з виводзачох хтори буду наступац на фестивалу. Потераз ше зна же єдни зоз главних гвиздох то Скрилекс и Продиджи, хтори буду на Мейн стейджу и Денс арени.

Шицки информациї можеце провадзиц и информовац ше о цалим фестивалу на їх сайту (exitfest.org).

Нови Еґзит фестивал почина за кус вецей як 200 днї.

ПОВЯЗАНИ ТЕКСТИ