НОВИ САД – Петроварадинска твердиня ознова постанє епицентер добрей енерґиї, музики и єдинственей атмосфери. Ювилейни 25. Eґзит, єден з найпознатших фестивалох у тей часци Европи почнє 10. юлия и будзе тирвац по 13. юлий.
Найпознатши мена електронскей музичней сцени традицийно „запаля” Денс арену, а за любительох року, панку и алтернативней музики порихтани наступи хтори ше длуго будзе паметац.
Медзи численима виводзачами мож видвоїц велї познати мена як цо то – Тиесто (Tiësto), Ерик Придс (Eric Prydz), Амели Ленс (Amelie Lens), Борис Брейха (Boris Brejcha), Нина Кравиц (Nina Kraviz), Мау П (Mau P), Сара Ландри (Sara Landry), Продиджи (The Prodigy), Секс пистолс и Френк Картер (Sex Pistols ft. Frank Carter), Бумтаун Рeтс (The Boomtown Rats), Ґлорихамер (Gloryhammer), Лорен (Loreen), Хертс (Hurts), Ди-Джей Снейк (DJ Snake) и велї други.
Уходнїци мож купиц ище вше на сайту фестивала и на Ґиґс Тикс (GIGS TIX) предайних местох у цалей Сербиї.
