КОЦУР – У физкултурней сали Основней школи „Братство єдинство” у Коцуре нєшка, 23. децембра, будзе отримана Новорочна предайна вистава.
Шицки котри того дня нащивя школски просториї годни поопатрац, алє и купиц рижни предмети, прикраски и инше цо школяре направели и пририхтали з помоцу своїх учителькох, наставнїкох и родичох.
Школяре и колектив коцурскей Школи поволали шицких валалчанох же би нащивели Новорочну предайну виставу, котра почнє на 9 годзин.
Плакату за тогорочну школску Новорочну предайну виставу зробела школярка осмей класи Теодора Ґайдош, чия робота була вибрана як найлєпша на розписаним конкурску предходних дньох у Основней школи.