Од водства по пораженє

автор А. Медєши
340 Опатрене

РУСКИ КЕРЕСТУР – У трецим колу ярнєй часци Подручней фодбалскей лиґи Зомбор, внєдзелю 19. марца, Русин поражени на домашнїм терену од Будучносци з Младенова, з резултатом 1:3 (0:0).

У першим полчасу скоро же анї нє було нагоди за ґол з обидвох бокох. Єдину озбильнєйшу нагоду мали русиновци на самим початку стретнуца, медзитим, лабда закончела у корнеру.

У другей часци стретнуца, тренер Русина уводзи двох швижих бавячох од хторих Циврич уходзи до 16 метерох, госцуюци ґолман го валя и то бул пенал за Русин. Сиґурни реализатор зоз билей точки бул Янко Кулич, и то було шицко цо ше дотика шансох за посцигованє позитивного резултату з боку русиновцох.

Нє прешло даскельо минути, а госци перше виєдначели, а потим превжали и водство.

Фодбалере Русина станули з бависком и було видно же ше чежко враца до резултатскей нєизвесносци.

З резултатом ше на концу, окрем бавячох, мушели помириц и числени русиново навияче, та пре тоту причину и тренер Саянкович, розчаровани зоз ситуацию на терену, у своєй вияви замодлєл навиячох клубу за пребаченє пре приказане слабе бависко. Саянкович ше наздава же у наиходзацих стретнуцох екипа Русина прикаже лєпши квалитет на терену, и же ше будзе закладац остац при самим верху таблїчки.

Уж на соботу, 25. марца, фодбалере Русина госцую у Кляїчеве, процив домашнього Кордуну, дзе буду мац нагоду виправиц гришку зоз нєдзельового стретнуца.

ПОВЯЗАНИ ТЕКСТИ