ШИД – На вчерайшей схадзки Скупштини општини (СО) Шид, одборнїки принєсли одлуку о порушованю поступку злучованя ЯКП „Явне ошвиценє, услуги и отримованє“ ґу ЯП „Завод за урбанизем“ о чим их обвисцел општински правобранїтель Милан Филипович.
СО тиж прилапела и Звит о роботи Општинскей управи за 2022. рок хтори виложела начальнїца Општинскей управи Бояна Мравик.
Одборнїки вигласали и пременку єдного члена у Школским одборе Основней музичней школи „Филип Вишнїч“ у Шидзе и дали согласносц на вименки и дополнєня Статуту Предшколскей установи „Єлица Станивукович Шиля“.
СО дала согласносц на одлуку Школского добору Основней школи „Йован Йованович Змай“ о пременки шедзиска школи, а тиж принєшени и вецей одлуки у вязи зоз маєтнима правнима питанями зоз компетенциї локалней самоуправи.