РУСКИ КЕРЕСТУР – У складзе зоз Законом о ликвидациї, предликвидацийни управнїк Любиша Єлич оглашел Друге предаванє маєтку длужнїка АБЦ ФУД АД по принципу явного збераня понуканьох за 6 пакети у власносци дакедишнєй керестурскей хладзальнї.
Маєток котри бул подзелєни до 11 окремних цалосцох, на першим явним предаваню предате 5 пакети, котри могло купиц окреме, нєзависно єден од другого, тераз у другим кругу явного предаваня остали 6 пакети котри тиж мож купиц окреме, нєзависно єден од другого, котри нє предати у першим кругу явного предаваня.
Право участвованя у поступку предаваня, односно купованя маєтку котри понукнути на предай маю шицки правни и физични особи. Минималне понуканє котре купец треба же би дал, то 20 одсто, або вецей од преценєней вредносци.
Предайну документацию мож превжац найпознєйше по 19. януар 2023. року, а исти датум и остатнї дзень за уплацованє депозиту.
Явне отверанє понуканьох другого кругу будзе отримане 24. януара 2023. року, на адреси Маршала Тита 89, у просторийох над дакедишню Ерсте банку у Руским Керестуре, з початком на 12 годзин у присустве комисиї за отверанє понуканьох.