Отримани Мемориялни турнир

автор Л. Вереш
322 Опатрене

ДЮРДЬОВ – Фодбалски клуб „Бачка 1923” зоз Дюрдьова и того року орґанизовал Мемориялни турнир за Мариа, хтори отримани од 25. по 27. авґуст на Бачковим фодбалским терену.

Катеґориї хтори участвовали на турниру 2010/2011/2012/2013/2014/2015. Перши дзень на турниру ше змагали катеґориї 2010. и 2013. У обидвох катеґорийох було по осем екипи, а найлєпши у ґенерациї 2010 екипа ФК „Атина” з Нового Саду, вицешампион була екипа ФК „Червена гвизда” з Беоґраду, а треце место завжала домашня екипа ФК „Бачка” з Дюрдьова.

У катеґориї 2013 перше место завжала екипа ФК „Бачка” Дюрдьов, друге место завжала екипа ФК „Кач”, а треце место завжала екипа ФК „Оне тиме” зоз Темерину.

Други дзень свойо схопносци на терену указали катеґориї дзецох 2011 и 2014. У першей катеґориї, змагали ше седем екипи, а найлєпши були фодбалере ФК „Омладинац” зоз Степановичева. Друге место завжала екипа ФК „ОДР” зоз Петроварадину, а треце место завжала домашня екипа зоз Дюрдьова. У катеґориї 2014 змагали ше пейц екипи. Перше место завжала екипа ФК „Сокер” з Нового Саду, друге место завжала екипа ФК „Войводина” тиж так з Нового Саду, а треце место завжала екипа ФК „Юниор” зоз Ґраднулици.

Остатнї дзень на турниру змагали ше катеґориї 2012 и 2015. Дзешец екипи ше змагало у катеґориї 2012, а найлєпша екипа була екипа ФК „Борац” зоз Шайкашу. Друге место завжала екипа ФК „Шайкаш” зоз Ковилю, а треце место завжала домашня екипа. И у катеґориї 2015 тиж так ше змагало дзешец екипи. Найлєпши були Мошоринчанє, за нїма екипа „АФК” зоз Ади, а треце место завжала екипа ФК „Лехел” зоз Мужлї.

ПОВЯЗАНИ ТЕКСТИ