ШИД – У Руским доме всоботу 6. децембра отримани Рочни концерт Културно-просвитного дружтва „Дюра Киш“ на хторим секциї дружтва указали єднорочну роботу.
На концерту наступели Старша шпивацка ґрупа зоз рускима и сербскиам шпиванками, уметнїцка руководителька Снежана Лазич, а провадзел их оркестер Дружтва под управу Драґана Макивича.
Зоз красниам стихами руских поетох представели ше школяре хтори у основних школох шидскей општини уча руски язик як виборни предмет, а порихтала их наставнїца Наташа Еделински Миколка.
Публики ше представела и побиднїца на тогорочней „Червеней ружи“, за найкрасши женски глас Йована Петрович хтора одшпивала побиднїцку шпиванку „Ей сущела лїщина“.
Тиж на концерту наступел и млади оркестер „Розмария“, под руководством Павла Травици одграли и одшпивали даскельо сербски народни шпиванки.
