НОВИ САД – З нагоди 55-рочнїци од снованя Дружтва за руски язик, литературу и културу и 35. Дньох Миколи М. Кочиша орґанизовани Седми науково-фахови сход Слово о словох.
Сход отримани пияток, 12. децембра у Заводу за културу войводянских Руснацох, а тематски бул подзелєни на руски язик, културу, литературу, просвиту и публицистику.
Присутни учашнїки: др Юлиян Рамач, др Михайло Фейса, мр Гелена Медєши, Ирина Папуґа, Дюра Латяк, Михайло Симунович и Блажена Хома Цветкович представели свойо роботи, а свой наукови реферат презентовала и др Оксана Тимко Дїтко. З тей нагоди учашнїком на Сходу додзелєни припознаня за участвованє и прикладнїк Зборнїка роботох Studia Ruthenica 31.
Представени и Зборнїк роботох Studia Ruthenica 31 у хторим заступени 14 авторе и 16 реферати зоз Седмого науково-фахового сходу Слово о словох. Тиж у Заводу за културу була и вистава роботох зоз 21. Подобовей колониї Стретнуце у Боднарова, хтора отримана 2025. року у Ґосподїнцох зоз провадзацим Каталоґом, а бешедоване и о новших виданьох Дружтва.
