НОВИ САД – На пондзелок 10. марца на 12 годзин Амбасада України у Републики Сербиї положи квеце на памятнїк Тарасови Шевченкови (Алея Мики Антича), зоз чим ше означи писательов дзень народзена 9. марец и дзень його шмерци 10. марец.
„Вон наш пророк, духовни оцец українского народа, Вельки Кобзар и українски ґениє. Тарас Шевченко бул познати и по своєй борби за ошлєбодзенє українского народу зоз рабства Русийского царства. Прешло 211 роки од народзеня Велького Кобзара, алє кажде слово поети ище актуалне”, пише у поволанки Амбасади України у Републики Сербиї.