ШИД – У општини Шид поряднє подмирйованє з воду и нє плановани рестрикциї, виявел за „Рутенпрес” директор ЯКП „Водовод” Александар Йованович.
Йованович додава же ше зоз 11 струдньох продукує 110 литри води у секунди цо достаточне за подмирйованє з воду.
Сиґурносц порядного подмирйованя з воду дава и резервоар у Шидзе од 3.200 кубни метери води як и окремни резервоар за валали Вашица и Илинци.
Йованович спозорює гражданох же би рационално трошели воду, бо наиходзи нова габа цеплих дньох и най на час вимирюю рахунки за потрошену воду.