РУСКИ КЕРЕСТУР – Школяром Штреднєй школи „Петро Кузмяк” 20. новембра отримане преподаванє о превенциї калїченьох у транспорту, а як будуцим вожачом о тим им бешедовали представитель полицийней станїци у Кули, як и Дома здравя на чолє з директорку Весну Томич.
Циль преподаваньох едуковац младих же би цо озбильнєйше похопели участвованє и справованє у транспорту же би ше обкеровало калїченя, а викладаня було и о тим як указац першу помоц кед же ше уж случи транспортна нєзґода.
Як визначела директорка Дома здравя Томич, у нєшкайшим чаше на жаль, барз вельо млади вожаче настрадаю у транспорту пре нєприлагодзену швидкосц и нєдостаточне знаходзенє у транспорту, прецо ше и їх установи уключели до тей превентивней акциї у школох.
Тото превентивне преподаванє исти дзень отримане и у Штреднєй фаховей школи у Червинки, а прешлого року у ище двох кулских штреднїх школох.