КОЦУР – У римокатолїцкей церкви Шицки святи у Коцуре внєдзелю, 9. априла, вирни означели Вельку ноц, швето по григориянским календаре. Велї парохиянє присуствовали на Служби Божей и пошвецаню вельконоцних кошаркох того дня.
Вельконоцну Службу Божу служел управитель вербаскей и коцурскей римокатолїцкей парохиї о. Кароль Сабадї, котри у казанї бешедовал о значносци того швета, а шицким пожадал мирну и благословену Вельку ноц.
На концу Служби Божей, о. Карло Сабадї пошвецел числени вельконоцни кошарочки зоз паскалним єдзеньом котри, з нагоди швета Воскресеня Исуса Христа, коцурски римокатолїцки вирни святочно порихтали.
