РУСКИ КЕРЕСТУР – После швета Боголявления Господнього, точнєйше од 8. януара у парохиї св. о. Миколая почало пошвецанє обисцох. Уж други тидзень священїки по валалє пошвецаю обисца, спрам розпорядку.
Од нєшка, 15. януара почнє ше пошвецац по улїчки Бориса Кидрича (Капущани шор), а пошвецац ю буду двоме священїки од беґелю. Єден священїк будзе пошвецац Русинску улїчку од Маршала Тита (Велького шору) ґу Косанчичу.
Вовторок 16. януара буду пошвецани обисца по В. Назора (Циґлашоре), а пошвецац их буду двоме паноцове од Теметова ґу Русинскей, Войводянску улїчку од Фрушкогорскей (Маковски шор) по ЮНА (Стари Збегньов), та по Партизанскей (Буджак). Єден паноцец будзе пошвецац од беґелю ґу Русинскей и по Володимира Гнатюка.
Стреду, 17. януара буду пошвецани обисца на Каналскей, ЮНА (Стари Збегньов), дзе по Каналскей будзе пошвецац єден паноцец од Каналскей и двоме паноцове од теметова.
Штварток, 18. януара буду ше пошвецац обисца на Теметовскей, Войводянскей и Народного Фронта (Нови Збегньов). Єден паноцец будзе пошвецац по Теметовскей од Маршала Тита (Вельки шор), а єден паноцец од початку Войводянскей ґу Народного Фронта (Нови Збегньов). Єден паноцец будзе пошвецац обисцу од крижу на Народного фронта (Нови Збегньов).
Пияток, 19. януара пошвевац ше будзе обисца по улїчки Орос Ґабра, єден паноцец од Салашох, Якима Салонтая, Сивч Йовґена. Єден паноцец будзе пошвецац од улїчки Якима Салонтая та предлужи ґу улїци Сивч Йовґена. Вашарску улїчку будзе пошвецац єден паноцец од Фрушкогорскей (Маковски шор) ґу Сивч Йовґена.