РУСКИ КЕРЕСТУР – Младши катеґориї ФК „Русин” внєдзелю 23. фебруара одбавели пейц пририхтуюци стретнуца у спортскей гали у Руским Керестуре процив екипи „ЦФК Вербас” и зазначели штири побиди и єдно пораженє.
Стретнуца бавели дзеци хтори ходза до другей, трецей, штвартей, пиятей и шестей класи основней школи.
Перше стретнуце бавели дзеци народзени 2011/12. року и зазначели побиду зоз резултатом 3:2. ФК Русин 2011/12 – ЦФК Вербас 2011/12 – 3:2.
Друге стретнуце бавели дзеци народзени 2013/14. року и зазначели тиж побиду зоз резултатом 3:0. ФК Русин 2013/14 – ЦФК Вербас 2013/14 – 3:0.
Треце стретнуце бавели дзеци народзени 2014. року и зазначели побиду зоз резултатом 4:1. ФК Русин 2014 – ЦФК Вербас 2014 – 4:1.
Штварте стретнуце бавели дзеци народзени 2015. року и зазначели прешвечлїву побиду зоз резултатом 5:1. ФК Русин 2015 – ЦФК Вербас 2015 – 5:1.
Пияте и остатнє стретнуце бавели дзеци народзени 2016. року и зазначели пораженє зоз резултатом 3:5. ФК Русин 2016– ЦФК Вербас 2016 – 3:5.
Тренер – Зденко Шомодї.
