РУСКИ КЕРЕСТУР – Младши катеґориї Фодбалского клуба „Русин”, всоботу, 13. юния на Ярашу у Руским Керестуре одбавели Трианґл турнир, на хторим участвовали три екипи, дзе попри домашнього Русина, бавели ище екипи Душан Силни зоз Вербасу и Червинка.
На тих стретнуцох бавели дзеци хтори ходза до штвартей класи основней школи.
1. ФК Русин 2015 – ФК Душан Силни 2015 – 6:1. Ґоли за екипу Русина дали: Лука Тасич (3), Михайло Шомодї (2) и єден бул авто-ґол.
2. ФК Червинка 2015 – ФК Русин 2015 – 5:1. Ґол за екипу Русина дал Лука Тасич.
3. ФК Душан Силни 2015 – ФК Червинка 2015 – 1:4.
Перше место освоєла екипа Червинки, друге место завжала екипа Русина, док екипа Душан Силни зоз Вербасу турнир закончел як трецепласовани. Дзеци после закончених стретнуцох достали медалї за освоєни места.
Найлєпша бавячка на турниру була Лана Кужич зоз екипи Душан Силни, найлєпши ґолман бул Оґнєн Лукич зоз Червинки, док найлєпши стрилєц на турниру бул Лука Тасич зоз екипи Русина.
Стретнуца судзели Михайло Хома и Зденко Шомодї, док екипу Русина 2015 водзел Зденко Шомодї.
