ШИД –Збор гражданох континуовано отримує блокади у городзе Шид, найвецей на пешацких преходох,а тиж и зоз воженьом автох и писканьом през улїци городу.
Як за Рутенпрес спред спомнутого Збора гварела активистка Сладяна Мичич, после катастрофалних огньох на югу Сербиї, блокади мали гуманитарни характер и зберало ше пенєж. Так назберае вецей як 50.000 динари, потим пожива, шмати, лїки и вода, а активиста Давид Ромич зоз колеґом спомнуту помоц однєсол до Прокупля.
Шидянє дали и потримовку протесту у Ужицу отриманим внєдзелю, а на блокади у Шидзе ше, як гвари Мичичова, танцовало „Ужицке коло“.
