РУСКИ КЕРЕСТУР – У орґанизациї Фодбалского клуба „Русин”, 1. авґуста почал традицийни 51. ноцни турнир у малим фодбалу у Руским Керестуре, а змаганя ше бави на терену у Старей школи.
Блїжи ше конєц бавеня по ґрупох и шлїдзи нокаут фаза.
По тераз ше на турниру найвецей визначую екипи Амбасада зоз Кули хтора забера перше место и Драґан Ковачевич зоз Руского Керестура хтора друга на таблїчки, хтори ше змагаю у ґрупи А, док зоз Б ґрупи найвецей ше визначую екипи Бостон зоз Руского Керестура и екипа Луксор тиж зоз Руского Керестура, хтори дзеля перше место.
Нокаут фаза и перши два змаганя штварцини финала будзе ше бавиц на нєдзелю, док други два змаганя штварцини финала буду на пондзелок.
Полуфинални змаганя на розпорядку на вовторок, док змаганє за треце место и финалне змаганє будзе на стреду.
Наградни фонд ноцного турниру розпоредзени на шлїдуюци способ: побиднїк турнира освої 150 тисячи динари, другопласована екипа 50 тисячи динари, док трецепласована екипа освої 30 тисячи динари.
Орґанизатор ноцного турнира у малим фодбалу ФК „Русин”.
