НОВИ САД – На манифестациї „Зоз шпиванку зме блїзши” представени вибор з найкрасших шпиванкох хтори характерични за етнїчни заєднїци на териториї АП Войводини, алє и вибор з модерних композицийох на рижних язикох.
Медзи шпивацкима ґрупами хтори наступели музичним вечаре, хтори отримани вчера, 26. децембра у Архиву Войводини участвовала и Мишана шпивацка ґрупа Руского културного центра, хторей уметнїцки руководитель Борут Павлич. Одшпивали два на родни шпиванки „Ей, там на гори” и „Гоч широки ярок”, а на гармоники их провадзел Давор Сабо.
Наступели ище Женска шпивацка ґрупа „Искре” здруженя „Трандафили”, уметнїцка руководителька Невена Алексич, шпивала народни шпиванки з Войводини, Женска шпивацка ґрупа „Ґужаляш” шпивала мадяркски шпиванки зоз Трансилваниї. Потим зоз вецей нумери наступели шпивацки ґрупи хторим уметнїцки руководитель Борут Павлич, а то: „Verse Pop Choir”, Фантє – ДС Кредарица и Кредарица мишани хор.
Манифестация „Зоз шпиванку зме блїзши” будзе отримана у Архиву Войводини (Улїца Жарка Василєвича 2а) нєшка 26. децембра на 20 годзин.
Манифестацию орґанизовала НВО „Трандафили”, Нови Сад, а проєкт потримал Покраїнски секретарият за образованє, предписаня, управу и национални меншини – национални заєднїци, Городска управа за културу Города Нового Саду и Архив Войводини.