НОВИ САД –Руски културни центер у Новим Садзе бул домашнї и орґанизатор турнира у пикаду у рамикох XXXIV Спортских бавискох Яша Баков. Спред орґанизатора РКЦ присутних привитал Владимир Иван Вева, турнир водзел Александар Белич, а бавели осем екипи, три женски и пейц хлопски.
У екипним змаганю за жени за екипу СД Русин бавели Инес Санкович и Даяна Рац, за РКЦ 1 бавели Ива Петкович и Мария Бабич, а за РКЦ 2 Вероника Вуячич. Екипа РКЦ 1 освоєла перше место, РКЦ 2 – друге, док СД Русин завжал треце место. Штири жени ше змагали и у поєдинєчней конкуренциї у пикаду, победзела Ива Петкович.
У хлопских екипох, за ФК Искра Коцур бавели Адриано Ралевич и Златко Колєсар, за РКЦ 1 Милан Брекайло и Иван Буила, за СД Русин бавели Алексей Надь и Иґор Варґа, док у тиму РКЦ 2 були Милош Радич и Раде Ковачевич. За екипу Петровци бавели Зденко Бурчак и Янко Сопка.
Екипа РКЦ 1 освоєла перше место, ФК Искра з Коцура бул други, треце место завжали пикадо бавяче РКЦ 2, штварте було СД Русин з Руского Керестура, а пияти Петровци. Абсолутни побиднїки турнира у пикаду була домашня екипа РКЦ 1.
Кед слово о поєдинєчней конкуренциї, по освоєних бодох победзел Милош Радич.
