ДЮРДЬОВ – Всоботу 2. авґуста, на швето пророка Илиї, у церкви Рождества Пресвятей Богородици, вельку Службу Божу служел о. Михаил Холошняй, котри у казанї здогаднул на перше читанє Святого писма на служби, а зоз посланя святого апостола Якова зоз Нового завиту. О. Холошняй гварел же ше воно чита на Таїнству Олїва, кед дахто хорує од чежшей хороти и же ма вельке порученє.
У дюрдьовскей церкви пред тим шветом положени нови образ на котрим приказане знїманє Господа Исуса Христа з креста. Положени є на прави бок, од олтару, за клиросами.
Тот мотив представя штреднї образ на иконостатсу нашей соборней церкви у Руским Керестуре. Образ направени зоз лїпового древа, а рамик полимент-позлата.
