НОВИ САД – У Студентским дому Apacai, Християнска реформатска церква у Сербиї, пияток, 6. марца означени Шветови молитвови дзень у Новим Садзе на на хторим участвовали и вирни грекокатолїки, присутних благословел парох новосадски о. Дарко Рац, а по руски бешедовали Мария Гудак и Блажена Хома-Цветкович.
На Шветочней молитви присуствовали представнїци зоз Римокатолїцкей церкви, Словацкей еванґелицкей АВ церкви, Реформатскей, Евангелистичней методистичней и Грекокатолїцкей церкви, а модераторка була Мария Парницки. Модлєло ше по сербски, горватски, мадярски, словацки и по руски. Вирних благословели: о. Дарко Рац, о. Бранислав Кулїк, о. Даниел Галас и о. Новица Бранков.
Литурґию порихтали християнки зоз Ниґериї, а вирни жени зоз новосадских церквох пренєшу їх порученя и молитви, а тема Гибайце… Я вам дам одпочивок (Матей 11:28-30).
