РУСКИ КЕРЕСТУР – Тогорочни турнир у баскету 3 на 3 у Руским Керестуре почнє на нєдзелю, 24. авґуста и будзе тирвац по 30. авґуст, а будзе ше бавиц на терену при автобускей станїци.
У екипи найвецей можу буц приявени 5 бавяче, док котизация по екипи виноши 3 тисячи динари.
У зависносци од приявеного числа екипох, заплановане же ше перше будзе бавиц ґрупна фаза а потим и нокаут фаза.
Наградни фонд турнира у баскету 3 на 3 роспоредзени на шлїдуюци способ: побиднїк турнира освої 50 одсто од уплаценей суми, другопласовани освої 30 одсто, док трецепласована екипа освої 20 одсто од уплаценей суми. Тиж будзе награда за найлєпшого бавяча турнира (МВП), як и медалї и погар за першпласовану екипу.
Приявиц екипи и шицки информациї мож достац на число телефона: 065/51-92-192 – Иван Чижмар.
Орґанизатор баскета 3 на 3 у Руским Керестуре РК Русин.